Gwella profiadau tystion sy’n gleifion, teuluoedd a chydweithwyr o’r broses Addasrwydd i Ymarfer

Yn ôl yr Awdurdod Safonau Proffesiynol, Addasrwydd i Ymarfer yw’r ‘broses a ddefnyddir gan reolyddion proffesiynol statudol i drin cwynion neu ddelio â phryderon a wnaed am weithwyr iechyd a gofal proffesiynol sydd ar eu cofrestrau’. Gellir galw ar dystion i gamymddwyn i roi tystiolaeth mewn ymchwiliad a gwrandawiad Addasrwydd i Ymarfer. Bydd cyfran o’r rhain yn cynnwys cleifion, defnyddwyr gwasanaeth a chydweithwyr sydd efallai wedi cael eu niweidio’n sylweddol gan ymddygiad y cofrestrai. Gall achosion o’r fath gynnwys ymddygiadau sy’n gysylltiedig â cham-drin rhywiol, aflonyddu a bwlio, dwyn a thwyll, a niwed clinigol parhaol. Rydym yn gwybod o’r ymchwil yn y system cyfiawnder troseddol bod potensial am ragor o drawma o ganlyniad i’r profiad o fod yn dyst. Mae’r cwrs hwn, sy’n seiliedig ar dystiolaeth, yn darparu dysg ynghylch y broses Addasrwydd i Ymarfer a bod yn dyst.Mae'r cwrs hwn wedi'i achredu ar gyfer datblygiad proffesiynol parhaus gan y Coleg Nyrsio Brenhinol (RCN). Ni all y RCN gadarnhau cymhwysedd unrhyw ymarferydd ar ôl cwblhau'r cwrs hwn.